‘මී පැණි රහසක් ගැලූවා
සූකිරි කන්දෙන් ’
මී පැණි රහසක් ගැලූවා සූකිරි කන්දෙන්
සීතල පහසක් දැනුණා සීතල නින්දෙන්
පොකුල දෑල හාදු ගලායා
කුමරි ළඟින් සුවඳ සලායා
සුසුම් කිමැයි මෙතරම් උණුසුම්
කසුන් කියුඹු සසැලී මිහිරෙන්
බියෙන් සැකෙන් උන්නොත් දුරකින්
සැනසුම යයි කන්දෙන් පල්ලෙන්
මනාලියේ ලැජ්ජා ඇත්නම්
දෑස වසා ගනු මැන දෝතින්
රාත‍්‍රිය ගෙවිලා යයි විගසින්ක
දුන මැන ඉල්ලන රස මදු පැන්
පද රචනය- සුනිල් විමලවීර
ගායනය - කිත්සිරි ජයසේකර
තනු නිර්මාණය- සිරිල් පෙරේරා
ජීවිතයේ එක් අවස්ථාවකදී තරුණ යුවලක් ලබන අත්දැකීමක් ව්‍යංගයෙන් ශෘංගාරාත්මකව විස්තර කෙරෙන පද මාලාවක් ලෙස මෙය හදුන්වා දිය හැකියxමහමෙරක් තරමට බලාපොරොත්තු පොදි බැඳගෙන සිටින ඔවුන්ගේ හමුවීමේ සුන්දරත්වය මෙහිදි සටහන් කොට තිබි මෙලෙෂ හුදෙක් බොහෝ දෙනා මුහුණපාන සුලභ අත්දැකීමක් පාදක කොට ගනිමින් එයට නව අර්ථ දැක්වීමක් එක් කරමින් ගී පදපෙළ ගැස්වූයේ ප‍්‍රවීණ ගීත රචක සුනිල් විමලවීරයන් විසිනි පදපෙළක නිමැවුමේ සෞන්දර්යාත්මක බව පිළිබඳව ඔහු සමඟ අපි කතා බහ කළෙමු
‘විවාහයට එළැඹී තරුණ යුවළක් මධුසමය ගත කරන දවසේ මුහුණ දෙන සිදුවීමක් ශෘංගාරාත්මක ස්වරූපයෙන් ව්‍යංගය යොදා විස්තර කරන අවස්ථාවක් ලෙස තමයි මා මේ පැදිපෙළ රචනා කළේ අතීතයේ පටන්ම කාන්තාව කියන්නේ ළද බොළඳ ලැජ්ජාශීලි සියුමැලි කෙනෙක් ඉතින් විවාහ දිවියට එළඔුණු මුල් දවසේත් ඇය ඉතාමත් ලැජ්ජාශීලියි
නමුත් පිරිමියා නම් එහෙම නැහැ එවන් අවස්ථාවකදී ලැජ්ජාශීලි නැහැ මනාලිය ලැජ්ජාශීලිව හැසිරෙන ආකාරය ඉතා සියුම්ව ව්‍යංගයෙන් ප‍්‍රකාශ කරන්න මට අවශ්‍ය වුණා ඉතාමත් සංවරව හැදුණු වැඩුණු පතිවෘත්තාව ආරක්ෂා කරන තරුණියක් සිය ජීවිතේ විවාහ වන දිනයේ දී මෙවන් අවස්ථාවන්ට මුහුණ දෙන්නට ලැජ්ජාශීලියි දෙදෙනෙකු හොදින් හදුනා ගැනීමෙන් ඇතිවූ ආදරයක් මත විවාහ වුණත් යොජිත යෝජනාවකින් සිදුවුණත් මෙය පොදුයි
කොහොම වුණත් විවාහ වූ දෙපළක් වෙනුවෙන් ඔවුන්ගේ නැදෑ පිරිස බලාපොරොත්තු වන යම් දෙයක් තිබෙනවා එම නිසා බියෙන් සැකෙන් ඉන්න බැහැ
මෙවන් සිදුවීමක් එක එල්ලේ විස්තර කිරීම තුළින් කිසිම සෞන්දර්යාත්මක රසයක් ලබා දෙන්න බැහැ ඒ නිසා තමයි මෙයට ව්‍යංගය යොදා ගත්තේ මේ නිසා මෙයට එකතු වන අර්ථ කථනය වඩාත් තීව‍්‍ර කර ගත හැකි වුණා කවියේ ආත්මය ව්‍යංගයයි ගීතයටත් එසේමය
මේ නිසා පමණත් නොව ගීතයේ සංගීත තනුව මගින් එයට මනා ආලෝකයක් ඇති වී තිබෙන බව පැවසිය යුතුය මධුසමය ගත කරන යුවලකගේ හදවතෙහි ගැස්ම රිද්මයානුකුලව ඇති කෙරෙක පරිදි සප්ත ස්වරය සංයෝජනය කළ සිරිල් පෙරේරා නමැති සංගීතඥයා ගීතය වඩාත් අර්ථවත් කරන්න දායක වී තිබෙනවා ඒ වගේම කිත්සිරි ජයසේකර නම් ගායන ශිල්පියා සිය ගායන විලාසය තුළින් හැගුම්බර බවක් එක් කර තිබෙනවා ගීතයේ ජනපි‍්‍රයත්වයට මේ සියලූ අංශයන්ගේ දායකත්වය මනා පිටුවහලක් වී තිබෙන බව පැවසිය යුතුයි
No comments:
Post a Comment