සිරිල් පෙරේරා කලාකරුවාණෙනි! මේ ඔබ ගැනයි.....
ශී‍්‍ර ලාංකේය සංගීත ක්ෂේත‍්‍රය තුළ තම නොනිමි සේවයේ යෙණු කලාකරුවන් බොහෝය. මේ අතරින් තමා උපතින්ම ගෙනා ප‍්‍රතිභා ශක්තියෙන් මෙරට සංගීත ක්ෂේත‍්‍රය තුළ තමාගේ මෙහෙවර උපරිමයෙන්ම කළ කලාකරුවෙකි සිරිල් පෙරේරාණන්.
ඔහු තම නිර්මාණ දායකත්වය පරම්පරා තුනක් සදහා ලබා දීමට තරම් භාග්‍යවන්ත වී සිටී. වසර තිස් පහකට අධික කාලයක් පුරා ප‍්‍රවීන ගායක ගායිකාවන්ට මෙන්ම නවකයන්ටද සිය නිර්මාණාත්මක හැකියාව වර්ධනය කර ගැනීම සදහා සංගිතඥයකු ලෙස ඔහුගෙන් ඉටුවූයේ නිහඩ සේවයකි.
ශී‍්‍ර ලාංකික සංගීත ක්ෂේත‍්‍රයේ සංගීත අධ්‍යක්ෂවරයෙක් ලෙස දශක දෙකකට වැඩි කාලයක් ඔහුගේ සේවය විහිදී යයි. එපමණකින් ඔහුගේ සෙවය නිම නොවේ. ඔහු තම ප‍්‍රතභාව මෙරට සංගීත ක්ෂේත‍්‍රය පුරාවට දිග හැරීය. ඔහු සංගීත වැඩසටහන් නිෂ්පාදකවරයෙන් ලෙස රජරට ගුවන් විදුල සේවයේ වසර විස්සක් සේවය කළේය.
ඔහුගේ මෙකී මෙහෙවර රාජ්‍ය සම්මාන සදහා පවා පාත‍්‍ර විය.ඔහු දක්ෂතා අතින් කොතරම් පොහොසත් ද යන්න ඔහු ලැබූ එම සම්මාන සාක්ෂි දරයි.
මෙවන් විශිෂ්ඨයකු වූ ඔහු අද නිහඩවම කලා කටයුතු වල නිරත වෙමින් සිටී. ඔහු තම නිවසේ කුඩා ඉඩක සංගීත පන්ති පවත්වමින් අද පරම්පරාවට ඉතා නිහතමානීව තම දැනුම බෙදා දෙමින් සිටී. අද ඔහු තම බිරිද සමග කුලියට ගත් නිවසක තම සැදැ කාලය ගත කරමින් සිටී. එදා සිය තනු නිර්මාණ හරහා සහෘද ශ‍්‍රා‍්‍ර‍්‍රවක සිත් සතන් ගීතයෙන් සුවපත් කළ ඹහු අද සියුම් කළකිරීමකින් දිව් ගෙවමින් සිටී. ශ‍්‍රී ලාංකික සංගීත ක්ෂේත‍්‍රය තුළ නොමැකෙන සේවයක් කළ මෙවැනි කලාකරුවන්ට මෙසේ සිටිය යුතු නැත. බලධරයන්ගේ ඇස් ඔවුන් වෙත යොමුවිය යුතුය. කලාකරුවකු මිය ගිය පසු ඔහු ගැන වර්ණනා කථා කිරිම නොව අවශ්‍ය වන්නේ ඔවුන් ජීවත්ව සිටින කාලයේ ඔවුන් ස`දහා අපගෙන් ඉටුවිය යුතු යුතුකම ඉටු කිරීමය.
මේ කෘතිය තුළන් සිදු කරනනේ එම කලාකරුවා පිළිබද සොයා යෑමකි. මෙහිදී විශේෂයෙන් අවධානය යොමු කරන්නේ මෙරට සංගීත ක්ෂේත‍්‍රය තුළට ඹහු දායාද කළ නිර්මාණ පිළිබදවය. ඔහුගේ එම නිර්මාණ පිළිබද පොත් දහස් ගණනක පවා ලිවිය හැකිය. ඔහු විසින් කළ නිර්මාණ එතරම්ම බොහෝය. මෙතුළ ඇතුළත් කර ඇත්තේ එම නිර්මාන වලින් අල්පමාත‍්‍රයක් පමණය. එය කලා වැවෙන් ගත් දිය දෝතකට සමානය.
No comments:
Post a Comment